وزبەكستان پرەزيدەنتىن ەلوردا اۋەجايىنان قر پرەمەر-ءمينيسترىنىڭ ءبىرىنشى ورىنباسارى اسقار مامين كۇتىپ الدى.
ەسكە سالا كەتەيىك, بۇگىن استانادا ورتالىق ازيا ەلدەرى, سونىڭ ىشىندە قازاقستان رەسپۋبليكاسى, قىرعىز رەسپۋبليكاسى, تاجىكستان رەسپۋبليكاسى, تۇرىكمەنستان جانە وزبەكستان رەسپۋبليكاسى باسشىلارىنىڭ جۇمىس (كونسۋلتاتيۆتىك) كەزدەسۋى وتەدى.
تۇرىكمەنستاندا جوعارى دەڭگەيدەگى ءىس-شارالاردىڭ الدىن الا جوسپارلانۋىنا بايلانىستى بۇل ەلدەن اتالعان جيىنعا مەدجليس ءتورايىمى ا.ت.نۋربەردىەۆا حانىم قاتىسادى. سونىمەن قاتار بۇگىن ن.نازارباەۆ پەن ش.ميرزيوەۆتىڭ قاتىسۋىمەن قازاقستانداعى وزبەكستان جىلىنىڭ سالتاناتتى اشىلۋ ءراسىمى وتەدى. سونداي-اق, ەكى ەل كوشباسشىلارى ونەر قايراتكەرلەرىنىڭ گالا-كونتسەرتىنە قاتىسادى.
